Nostalji
Bir mehriban dostumun qız övladı doğulub. Elə sevinmişəm ki. Adını Ayla qoyublar .
Bu yazını onun şərəfinə ithaf edirəm….
A tövbə konfet demirəm,qənd demirəm, noğul-nabat demirəm, şəkərbura-paxlava demirəm. Şaftalı, şampan mürəbbəsi, “Chateau d’Yquem” təbii və bahalı kərə yağı ilə hazırlanır və 24 karatlıq qızıl tozu ilə örtülü yarpaq şəkilli tort olsun: bir payı 1250 dollardır.
Lap bərk gedən seqmentin 4 milyon dollar ödədiyi içərisində 7 karatlıq çəhrayı brilyant gizlədilmiş çiyələk deserti olsun…
Arzulamıram, heç bunlar olmasın da. Pişik məsələsi də deyil ha. Dağda çoban olum, canım sağ olsun. Sağımda –solumda balalarım, nəvələrim, 1 addım məndən arxada isə onların nənələri…
Artıq bildiniz, nədir bu şirinlik…Bizim atalar deyib:
Bala dadı, bal dadı,
Bala adamı aldadır.
Şirini şirin olur,
Acısı da bal dadır.
Dadbilmə qoxusu atrofiyaya uğramış adam da şirini mütləq hiss edir.Çünki insanın yaxşı nə varsa, bunların əks olanları dəfetmə instikti daha birincidir. Şirini isə hələ görmədən, dadmadan beynimiz qəbul edən kimi, sekresiya vəzisi fəallaşır. Çünki ona ehtiyacımız var. Amma acısı da bal dadan şirinlik maddi deyi, mənəvi nemət olduğu üçün onu ruhumuzla dadırıq. Maraqlıdır, bəs niyə indiyə qədər qohumluq münasibətlərinin vəznini, çəkisini, rəngini, dadını müəyyən edib Beynəlxalq Ölçü Vahidlərinə yenilik etməyiblər? Qoy təkcə övlad acısı çəkib bunu şirin qəbul edən möhtərəm ata-analar kimi, hamı da belə münasibətlərin, yanaşmaların qüdsiyyətini şüurlu olaraq dərk etsin.
Şirini şirin olur, açısı da bal dadır…. Varmı belə şəxs ki, acı dadsın,amma desin ki bal dadır…. Zaman göstərir ki,var, bu dad övlad şirinliyidir. Acını da bal dadan cəfakeş Ana, onları damının altına yığıb xeyirli sabahlara aparan Atadır.
Bu mahnımıza qulaq asmaqdan doymuruq ki. Baba-nənə yaşında özümüzü beşikdə nazlanan övladlarımız, nəvələrimiz kimi bəxtəvər hiss edirik:
Əsildir nəvə, nəsildir nəvə,
Övladdan da şirindir, şirindir nəvə.
Dövlətdə dəvə, övladda nəvə,
Deyib bu sözü atalar belə…
Deməli, aylar, illər ötür… Özbaşına ötmür ey. Ata-ana kiprikləri ilə od götürür, yuxusuz gecələr keçirib dünyaya göz açanda çəkiləri 3-4 kq olan tifillərini ətə-qana doldurur, boya-başa çatdırılar. İndi onları evləndirib baba-nəvə olmağa tələsirlər. Halalınız olsun. Bütün ata-analara nəsib olsun. Onda biləcəksiniz ki, necə olur övladdan şirin olmaq…
Digər bir bənzərlik də var. Ölkələr var ki, həmin ölkələrdə körpəlri aistlər gətirir. Bizim bəbışləri arılar gətirir.
Arı çox zəhmətkeş canlıdır. 100 qram bal toplamaq üçün üçün bal arısı bir milyon çiçəkdən şirə götürür. Gündə 200 hektardan çox sahəyə uçur, 300 min km yol qət edir. Məncə, anaların zəhməti də arıların zəhməti qədər heyrətedicidir. Ana rəhminə düşənə qədər, bəlkə də hələ ailə qurmamışdan da əvvəl ailə qurmağa hazırlaşan qızlarımzın dilə gətirmədikləri, ürəklərində, xəyallarında bəslədikləri niyyət olur dünyaya çocuq gətirmək, ona Layla demək, “Ana” deyə çağrılmaq… Bunun üçün 9 ay sərasər rəhmindəki yavrusunun xoşməramlı əsgəri olur. Onun keşiyini çəkir, yayda gündən, qışda, qarda yağışda soyuqdan, küləkdən qoruyur. Yanında, televizorda insanlar əııllərinə keçəni yeyəndə, o, nəfsinin əl-qolunu bağlayıb körpəsinə təslim edir. Dünyaya göz açanda ta ayaqaçıb sərbəst yeriyənə qədər, dili-dişi söz tutub ehtiyaclarını yaxınlarına bildirməyi bacarana qədər davam edir bu müsəlləh əsgərlik. Heç sonra da səngimir . Ana-ata estafeti davam etdircək övladları bu həddə yetincə, varisliyi qoruyur, onu sələflrinə ötürüb şanlı xələflərə çevrilirlər.
Bu qədər zəhmətin qarşılığı olaraq nəşvünüma tapmış, meydana çıxmış sevgi çiçəkləri, onların meyvələri necə şirin olmaya bilər?!
Bütün evlərimizə bol-bol belə şirinlik arzulayırıq…
….Ən azından 4 nəvə : iki oğlan + iki qız
Doğmalıq-övlad, nəvə-nəticə, valideyinlik, baba-nənə, ata-ana hisslərinin heç bundan ülvi, münis, gözəl ifadəsi ola bilərmi? Bu hiss və duyğuları bilməyənlər üçün öyrənmək mənbəyidir bu yazı. Var olasınız, hörmətli Akif müəllim. Sizə Allahdan nəvə-nəticələrinizin bəxtəvər günlərinin fərəhini, şəhdi-şəkərini, balını bol-bol dadmaq arzulayıram!
Bəyəntərəfindən bəyənildi 1 şəxs
Təşəkkür edirəm.
Allah hamıya doyunca bu sevinci yaşatsın.
BəyənBəyən